ભારત-દક્ષિણ આફ્રિકા પહેલી T20 વરસાદને કારણે રદ

ભારતના દક્ષિણ આફ્રિકા પ્રવાસની T-20 શ્રેણીની પ્રથમ મેચ વરસાદના કારણે રદ કરવામાં આવી છે. ડરબનમાં મેચ પહેલા જ વરસાદ શરૂ થઈ ગયો હતો અને ટોસ પણ થઈ શક્યો નહોતો. આખરે મેચ રદ કરવી પડી હતી.

3 મેચની શ્રેણીની બીજી મેચ 12 ડિસેમ્બરે પોર્ટ એલિઝાબેથમાં રમાશે. ભારતે 2018માં દક્ષિણ આફ્રિકા સામે T20 શ્રેણી 2-1થી જીતી હતી.

T-20 ઈન્ટરનેશનલના ઈતિહાસમાં અત્યાર સુધી વિવિધ કારણોસર 121 મેચ રદ થઈ છે. વેસ્ટ ઈન્ડિઝની મહત્તમ 10 મેચનું પરિણામ આવ્યું નથી.

ભારત અને દક્ષિણ આફ્રિકા વચ્ચે T20 ફોર્મેટમાં અત્યાર સુધીમાં કુલ 8 સિરીઝ રમાઈ છે. જેમાંથી ભારતે ચાર અને દક્ષિણ આફ્રિકાએ બે જીત મેળવી હતી. 2 સિરીઝ પણ ડ્રો રહી હતી. બંને ટીમ વચ્ચે કુલ 24 T20 મેચ રમાઈ હતી. ભારતે 13 અને દક્ષિણ આફ્રિકા 10 જીતી છે. જ્યારે 1 મેચ અનિર્ણિત રહી હતી.